Қазақ поэзиясында өз орнын баяғыда-ақ ойып тұрып белгілеп алған сара мінезді ақын Әділғазы Қайырбеков поэма жанрында да, оқиғалы өлеңде де көп-көп тер төкті. Оларға тоқталуға бұл жолы мүмкіндік болмады. Қазір Әділғазының нағыз толысқан шағы. Айы оңынан тусын!
Темірхан Медетбек
Ақын, халық жазушысы және Мемлекеттік сыйлықтың лауреаты
Өлең – ақынның стихиясы, ел мен ұлт, одан қала берді, адамзат тағдыр-талайының бедерлі, бейнелі безбені. Шынайы қаламгердің сау басына сақина сатып алған сыңайы да осы өлеңде. Ем-дом мен дәрі-дәрмекке дес бермейтін айықпас ауруы да осы өлең.
Исраил Сапарбай
Композитор
Әр жылдарда оқырманға «Ақ тұма», «Шамшырақ», «Шер шертер», «Сөз бен іс», «Намыс найзағайы», «Саға», т.б. өлең, поэма, очерк, эссе кітаптарын ұсынған қаламгер Ә. Қайырбековтің «Бөртостаған» жыр кітабы да қазіргі қазақ поэзиясының бір үлгісі ретінде халық игілігіне айналсын дейміз.
